السلام عليكم ورحمة الله وبركاته
هذا كمااااااالت القصه0000
البنت:انا احبك من سنين وانت ماتدري عني
جراح:من سنين ليش وين عرفتيني
البنت: اذكرك انت وخوياك كنتم تغازلون عند مدرستنا قبل لايفصلونك
جراح: عجيب هذا تعرفين كل شي عني
طيب مو حرام عليك
البنت:ليش حرام
جراح:تعرفين كل شي وانا مااعرف ولا شي
البنت: انا نفسي اقولك بس اخاف
جراح: تخافين من ايش
البنت: منك اخاف تفضحني
جراح: افاااااا انا افضحك ليش وش قالوا لك
بصراحه زعلتيني
البنت: بصراحه انا من عطيتني صديقك اكلمه وانا خايفه منك
جراح:يؤؤؤؤؤؤه انتي للحين منسيتي
انا كنت احسبك رجال يلعب وبعدين خلاص مابي اعرف من انتي دامك ماتثقين فيني
البنت: لاتزعل بس الموقف مو سهل
جراح: غريب امرك طيب هذاك تكلميني عادي
البنت: انا كلمتك لاني احبك ومن شدة حبي لك اتصلت عليك
لاتفهمني غلط انا مااتصلت الا لاني خفت تروح من بين ايديي
جراح: طيب منين جبتي رقمي
البنت من جوال اخوي
جراح:ياقردي معناتها اعرف اخوك
البنت: تبي تجرجرني بالحكي
جراح: يابنت الناس قلت خلاص ماابي اعرف من انتي ولاتزعلين
البنت: طيب انا بطلع لاهلي اخاف يشكون فيني الحين
جراح: اوكي بس لاتقاطعيني
البنت: افهم من كلامك انك تبي علاقتنا تستمر
جراح: شفقان عليك بس
البنت: لا والله تنكت
جراح : طيب يالله بااااي
البنت: باااي
وبعد هالمكالمه قام جراح ينبش بجواله ويشوف كل الارقام المخزنه بجواله يمكن اخت سالم لا اخت تركي لا اخت سلطان لا اخت حمدان صح ماعنده خوات اكيد اخت فيصل والله احترت
وثاني يوم بالاستراحه بينه وبين نفسه يناظر بالشباب ويخمن وكل واحد يناظرله يشك بنفسه ويمغصه بطنه اكيد انها اخته وإلا ليش يناظر كذا
وعلى هالحال كل ماناظرله احد شك بنفسه
واتصلت البنت بعد الفجر كالعاده عليه
البنت:الوو
جراح: هلا مليت وانا انتظرك
البنت :جد والله افهم انك اشتقتلي
جراح: لاتطلعين علي اشاعات انا ماقلت شي
البنت: "تضحك" ليش تخبي مشاعرك وش منه خايف
جراح: نفس اللي مخوفك مني
البنت: بس انا غير
جراح: وانا بعد غير
البنت: اكيد انت غير ولا مااتصلت عليك
جراح: اتلعثم طيب طيب طيب
البنت: وش فيك
جراح: احرجتيني
البنت: انا المفروض انحرج مو انت
استمرت المكالمه هم يتغزلون بعض ساعه ونص
البنت: حبيبي
جراح: لبيه
البنت: نفسي اقولك من انا بس خايفه
جراح: وش منه خايفه
البنت: اخاف اطيح من عينك او تعلم علي احد
جراح: افااااا انتي للحين ماتثقين فيني
البنت: مو قصة عدم ثقه بس خايفه
جراح: عليك الله وامان الله ان مااحد يعرف بموضوعك
حتى لو على قص رقبتي
البنت: ولاحتى تقاطعني
جراح: ولا اقاطعك
البنت: وعد رجال
جراح: وعد رجال
البنت: انا انا انا ياربي
جراح: على اعصابه تقولين ولا وشلون
البنت: بقول بقول طيب انا اعطيك معلومات وانت خمن
جراح: اخمن انتي صاحيه تبيني اخمن كل اهل الرياض
البنت: طيب راح تعرفني من خلال المعلومات
جراح: طيب الحق الكذاب لين باب الدار
البنت: وجع اي كذاب لاتخليني اغير رايي
جراح: لااااا خلاص كلش وإلا رايك
البنت: انا ادرس باولى جامعه تخصص جغرافيا
انا وحيدة اهلي انا واخوي
اسم اخوي فيصل
وابوي مدير اتصالات
امي مدرسة رياضيات
بينا وبينكم شارعين
جراح: يشهق خلاص خلاص لاتكملين قولي غير هالحكي لا لا لا مصدق انتي اخت فيصل صديقي بالثانوي
البنت: بخوف ايوه
جراح: ياااااااااه ياهي الدنيا صغيره فيصل الخاين اخوك
البنت: لاتغلط اي خاين لو سمحت
جراح: ليش ينجح ويخلينا
البنت: تضحك بقوه وليش هذي اسمها خيانه
جراح:ايوه طيب ماقلتيلي وش اسمك
البنت: شجون
جراح: شجون يالله عاشت الاسامي
شجون: الله ياحلو اسمي بلسانك
جراح: واخيرا اعترفتي
شجون: ارتحت الحين يالمشفوح
جراح: مشفوح لعنبو دارك احمدي ربك اللي للحين صابر عليك ومتحملك
شجون: صابر علي ليش وش جابر
جراح: مصبرني الشفاحه
شجون: تنكت
جراح: ماقلتيلي وش اخبار فيصل
شجون: بخير ماعليه
جراح: اخر مره شفته يمكن من سنه بالسوق خذا رقمي ولااتصل
شجون: يكفي انا اتصلت
جراح: وش رماك علي
شجون: الحظ
جراح: ماقلنا شي بس وش عرفك ان في جراح بالدنيا
شجون: قلتلك كنت اشوفك عند مدرستنا وبعدين من كلام فيصل عنك
جراح: وش يقول هالمصري اكيد يحش
شجون: قل ماشاء الله عليه ترا اخر سنه له بالجامعه
جراح: اهااااااا والله له وحشه
شجون: جبنا طاري القط بااااااي فيصل ينادي علي
جراح: باااااااي
الرئيسية 
